عاشیقین قانینی وصمه لی قاشین نیهان ایچر
جؤهرلی تیغ قین آرا پیوسته قان ایچر
ائتدؤکجه قان کؤنؤل لری اول لعلی-آتشین
آبی حیات- تک قارا زؤلفؤن روان ایچر
تا بیر پیاله وردی،کباب ائتدی باغریمی
هر کیم اونون الینده ن ایچر باده،قان ایچر
ایللر یاشار خیضر کیمی هر کیم کی،گئجه لر
گؤل أؤزلؤ یار ایلن میی چؤن ارغوان ایچر
آدم نئدیر کی،ایچمئسین اول وئریگین شراب
وئرسن اگر،فیریشته میی بی گؤمان ایچر
ساقی منیم له شیشه یی-پیمانه نئیلسؤن
دریانی بیر نفسده بو ریگی-روان ایچر
تزراق چئکر ندامته بد مستلیک یولو
هر کیم کی،یاخشی ایچسه شرابی-یامان ایچر
صائب کی؛من اونون سؤزؤنؤ یئره سالمادیم
بیلمم نئچؤن منیم قانیمی آسمان ایچر